Friday, March 25, 2011
Sunday, March 20, 2011
Tuesday, March 8, 2011
Sika ti silpo ti anges daguiti tumengko
02/28/2011
Gundaway naaddaannak
Inburaymo napintas a pasamak
Panangipasngay mo ken Amak
Iti imnas nagludunak
Ta sika ti tumeng a makanawan
Nangipursige ragsak a kalak-aman
Sika ti silpo iti anges ti Tumengko
Nagtaudan kinatibker dagiti patongko
Nga inka inbenlay
Uray mapukawka diak agliday
Ta kukuak ti panagballigi
Pinagtigmaam bayat inka panangilili.
Ken Amak inpabus-oymo
Gapu iti kinamanagayatmo
Angesmo napugsat
Tumengko addaan kired a di agrissat
Ta sika ti silpo ti anges ti tumengko nga awan amak
Kinabannuag sulnupen ti adu a kapututak.
NAGSUBLIKAN ITI TAPUK LOLA OPEN
Maipalaguip iti kinapakumbaba iti bagi,
Tunggal maysa masapul nga agsubli.
Nagtaudam a tapuk kumanunong kenka,
Bayat pannakapugsat ti anges nga adda kenka.
Ta sika ti immuna a napukawan,
Ngem siak sumaruno a mapagasatan.
Gundaway sika ti pinatganna nga awan bang-ar,
Gapu iti sakit narikot a masulbar.
Mangparigat tunggal maysa nga agbibiag,
Uray liklikan dumteng a mang-alun-on to pigsa ti takyag.
Ket agsublika iti tapuk a di sasaan,
Binulod a biag maisublin apag-apaman.
Nagsublikan iti Tapuk napukawankan iti aray,
Ania ngata ti nasayaat nga agur-aray.
Dagiti kinaimbagmo isuda ti mangringbaw,
Saludsod daguiti nabati sulnitan laguip nga addaan dayaw.
Iti ipapanawmo maipalaguip manen iti panagpakumbaba,
Namarsua isu ti nagbuludan iti anges-biag kanayon intay agrukma .
Subscribe to:
Posts (Atom)